20წ | შოტლანდიასთან ზედიზედ მეორედ!

12-ივნ-2019

© Guille Buelga

 

უმცროსმა ბორჯღალოსნებმა მსოფლიო რაგბის 20-წლამდელთა ჩემპიონატის მესამე მატჩში შოტლანდიას 17:12 სძლიეს და ჯგუფური ეტაპი მესამე ადგილზე დაასრულეს!

 

შეგახსენებთ, შოტლანდიელებს 20-წლამდელთა ჩემპიონატზე შარშანაც ვეთამაშეთ, 39:31 დავამარცხეთ და მე-9 ადგილი დავიკავეთ, ახლა კი, ექვსი ერის წარმომადგენელს ზედიზედ მეორედ ვძლიეთ. საგულისხმოა, რომ მესამე თამაში შარშანაც მოვიგეთ, ირლანდიასთან 24:20, თუმცა საუკეთესო მესამეადგილოსნებს შორის ვერ მოვხვდით და მე-9-მე-12 ადგილებისთვის მოგვიწია ბრძოლა. სავარაუდოდ, ამჯერადაც ასე მოხდება, რადგან ძნელად სავარაუდოა ინგლისი ავსტრალიასთან 40 ქულის სხვაობით დამარცხდეს, ან ფიჯიმ უელსს 41-ზე მეტი სხვაობით სძლიოს და ბონუსი არ ააღებინოს.

 

სამაგიეროდ, მეოთხე მატჩში შედარებით სუსტ გუნდთან მოგვიწევს თამაში, რაც უმცროს ბორჯღალოსნებს მთავარი მიზნის შესრულებას გაუადვილებს და უძლიერეს 12-ს შორის დარჩენასთან ერთად, შარშანდელი შედეგის გამეორების შანსსაც შეუნარჩუნებს.

 

მატჩის დებიუტი ჩვენი გუნდისთვის ძალიან ცუდი აღმოჩნდა. შოტლანდიელებმა დასაწყისშივე მოიპოვეს 5-მეტრიან წყვეტილთან დერეფანი და ლელოსგან პაატა ბურჭულაძემ გვიხსნა, რაც ვიდეო რეფერიმ დააფიქსირა. მაგრამ 5 წუთში მათ კიდევ ორჯერ ააგორეს მწყობრი მოლი და საბოლოოდ ლელო-გარდასახვით დაწინაურდნენ.

 

ამის შემდეგ ბურთზე კონტროლის დამყარება და მეტოქის ნახევარზე გადასვლა მოვახერხეთ, მაგრამ შეცდომების გამო იერიშები ლოგიკურ დასასრულამდე არ მიდიოდა. შოტლანდიელებმა შეძლეს ჩვენი დერეფნის გაშიფვრა, რამაც ჯარიმების შემდეგ მოპოვებული ტერიტორიული უპირატესობის გამოყენების საშუალება არ მოგვცა, თუმცა პირველმა ტაიმმა მწვრთნელებს დაანახა, რომ ამ თამაშის მოგება შეიძლებოდა.

 

შესვენებაზე მწვრთნელებმა ხუთი ცვლილება განახორციელეს, სრულად შეცვალეს პირველი ხაზი და ღერძი, რაც გარდამტეხი აღმოჩნდა. ილია მაისურაძის შეგირდებმა მეორე ტაიმი აქტიურად დაიწყეს, 45-ე წუთზე ჩვენმა შერკინებამ მეტოქის 22-ის ხაზთან ჯარიმა გამოიმუშავა და თედო აბჟანდაძემ ის 3 ქულად გარდასახა. სამწუხაროდ, დერეფნის დალაგება ვერც მეორე ტაიმში მოხერხდა, 52-ე წუთზე შოტლანდიელებმა სწრაფად გაგვითამაშეს კონტრშეტევა და მეორე ლელო გაიტანეს - 3:12.

 

საქართველომ 4 წუთში ლამაზი ლელოთი უპასუხა. მოედნის ცენტრში, შერკინებაში მოპოვებული უპირატესობის შემდეგ მიხეილ ალანიამ შეუტია, ორი მცველი აიყვანა და მარჯვენა ფრთაზე ოთარ ლაშხი მოძებნა, რომელმაც 5-მეტრიან წყვეტილამდე ირბინა. ალანიამ რაქიდან სწრაფად გაიტანა ბურთი, აბჟანდაძემ კი კარის წინ ხაზი გაჭრა და ძელებსშუა გატანილი ლელო თავად გარდასახა - 10:12.

 

68-ე წუთზე შოტლანდიამ დერეფნიდან გაშალა შეტევა და ლელო გაიტანა, მაგრამ საქმეში ვიდეო-რეფერი ჩაერთო, რომელმაც წინპასი ზუსტად დააფიქსირა და თამაშში დაგვტოვა. უმცროსმა ბორჯღალოსნებმა აგრესიული თამაში გააგრძელეს, მალე ალანიამ მეტოქეს ხელიდან ამოაცალა ბურთი და ლელოსკენ გაიქცა, მაგრამ მდევარი წამოეწია და აუტში გადაიყვანა.

 

74-ე წუთზე დერეფანში შოტლანდიაც შეცდა, თანაც საკუთარი ლელოდან 5 მეტრში, ბურთი ლუკა ნიორაძეს ჩაუვარდა ხელში და ლელოში შევარდა, აბჟანდაძემ კი გარდასახა. სულ ბოლოს მეტოქემ ფრთაზე შეძლო ხაზის გაჭრა და სალელოვე შეტევის წამოწყება, თუმცა უმცროსმა ბორჯღალოსნებმა ეს იერიში თავდადებული დაცვით მოიგერიეს, მერე კი მეტოქეს შეცდომა დააშვებინეს და 17:12 მოგებით გაიხარეს!

 

მსოფლიო რაგბის 20-წლამდელთა ჩემპიონატი

გ ჯგუფი

12 ივნისი

 

საქართველო - შოტლანდია 17:12

საქართველო:

ხაზი

15. დაჩი პაპუნაშვილი, 14. ოთარ ლაშხი, 13. დემურ თაფლაძე, 12. ირაკლი სიმსივე, 11. კოტე მარჯანიშვილი, 10. სანდრო მარგიანი, 9. გიორგი მარგალიტაძე;

 

შერკინება

1. ნიკა ღვალაძე, 2. ვანო კარკაძე, 3. ზაურ თევდორაშვილი, 4. ლუკა გელაშვილი, 5. ვახტანგ ჯინჭარაძე, 6. პაატა ბურჭულაძე, 7. ბექა ყორიაული, 8. იოანე იაშაღაშვილი.

 

მარქაფა

16. ლუკა ნიორაძე, 17. ლუკა აზარიაშვილი, 18. გია ხარაიშვილი, 19. ტატო გვიმრაძე, 20. კობა კოლოტაური, 21. მიხეილ ალანია, 22. თედო აბჟანდაძე, 23. თემურ ჭიჭინაძე, 24. გივი ცინცაძე, 25. ლაშა ლომიძე, 27. იოსებ გუშარაშვილი, 28. ლუკა ჭელიძე.

ზურა ქავთარაძე ისვენებდა

 

2 ლელო: აბჟანდაძე, ნიორაძე

2 გარდასახვა: აბჟანდაძე

1 ჯარიმა: აბჟანდაძე

მთავარი მწვრთნელი: ილია მაისურაძე

მწვრთნელები: ლადო კილასონია, ზურაბ ამონაშვილი

მენეჯერი: ოთარ იაშვილი

ფიზ. მომზადება: გიორგი ნადარეიშვილი, ნიკოლოზ პინაიშვილი

ფიზიო: რომან სახოკია, ბენჟამინ მოადაბ, ირაკლი შაორშაძე

ექიმი: ოდისეი სადოევი

ვიდეო: ვლადიმერ კუპრეიშვილი

ჯიპიეს: შავლეგ მახარაშვილი

 

სამხრეთ აფრიკა - ახალი ზელანდია (22:30)

 

სამხრეთ აფრიკა      2          2          0          0          91-39   10

ახალი ზელანდია   2          2          0          0          97-46   10

საქართველო            3          1          0          2          50-105 4

შოტლანდია             3          0          0          3          64-112 1

უკან დაბრუნება  
 
 
საქართველოს დრო
 
ტაბლო

მსოფლიოსთვის მზადება

საქართველო –

მოვარჯიშე რაზმი

საქართველოს თარიღითა და დროით

სამ

27/08

19.15

ვაკე, მესხი

ქინგზ [აფრ]

შაბ

31/08

20.00

დინამო

შოტლანდია

პარ 06/09

22.30

მარიფილდ

შოტლანდია

მსოფლიო თასი

საქართველო –

საქართველოს თარიღითა და დროით

ორ

23/09

14.15

ტოიოტა

უელსი

კვი

29/09

09.15

კუმაგაია

ურუგვაი

ხუთ 03/10

09.15

ოსაკა

ფიჯი

პარ

11/10

14.15

შიზუოკა

ავსტრალია

განრიგი    სრული | ჩვენი ჯგუფი | მსაჯები

იაპონია  |  პარ 20/09 - შაბ 2/11

ირლ ზელ ინგ ავს
შტლ აფრ სფრ უელ
იაპ იტა არგ საქ
რუს ნამ  აშშ   ფიჯ 
სამ კან  ტონ  ურუ

რაგბი ევროპა 2020

საქართველო –

საქართველოს თარიღითა და დროით

შაბ

01/02

.

შინ

რუმინეთი

კვი

09/02

15.45

გარეთ

ესპანეთი

შაბ

22/02

.

შინ

ბელგია

შაბ

07/03

18.00

გარეთ

პორტუგალია

შაბ

14/03

.

შინ

რუსეთი

ოვალის ამქარი

განაცხადთა მიღება დასრულდა

ლიგების ყველა [2952] მორაგბე [ 07/08 @ 19.20 ]

კაცი [1228] | ა’ლიგელი [674] | ბ’ლიგელი [1050]

ყველა კლუბის საკონტაქტო ინფო

დ10

I

რეგ

კაც

"ა"

"ბ"

ჭაბ

სულ

დას

აღმ

დას

აღმ

9

10

6

6

31

19

14

19

52

83

განაცხადის შევსება-ჩასწორება

რესურსები

2019-20 სეზონის სიახლეები

კაცთა | ჭაბუკთა ოქმის ბლანკი
მისი შევსების
ინსტრუქცია

მეთვალყურის დებულება და
დიდი 10-ის პატაკის ბლანკი

23-კაცა სამატჩო სიის ფორმა

"მსოფლიო რაგბის" მეორე დონე

72 გვერდი – ამობეჭდეთ "5" ზომის წიგნად!

 

მსოფლიო თასი 2015
 
ევროპის ერთა თასი
 
ვიდეო გალერეა
 
სარაგაბო ბაზები
 
სად მივაბაროთ ბიჭი
 
ლეგიონერები
 
 
 
keep rugby clean
 
 
referee
 
არქივი

 

 

 

რაგბი თივი

 

 

 
რადიო პალიტრა

 

 

 

ლელო
 
 

 

საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    
საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    

მინდა ჯგუფის ლოგო