დიდი 10 | ხარები 30:25 ყოჩები

01-დეკ-2019

© ანი რეხვიაშვილი

 

დიდი 10-ის მე-10 ტურის დასკვნით მატჩში, რუსთავის ‘ხარებმა’ ბოლნისის ‘ყოჩებს’ 30:25 მოუგო და 33 ქულით სატურნირო ცხრილის სათავეში დაბრუნდა.

 

მასპინძლებმა მეტოქეს 5 ლელო გაუტანეს - ლევან ნარიმანიძემ დუბლი შეასრულა, ბაქარ ზედგინიძემ, ლექსო მელიქიშვილმა და ბექა ბებიაშვილმა თავი თითოჯერ გამოიჩინეს, ხოლო კიდევ 5 ქულა გუნდს ვაჟა ხუციშვილმა ჯარიმითა და გარდასახვით შესძინა.

 

ბოლნისელთა სასახელოდ უნდა ითქვას, რომ პირველი ტაიმის შემდეგ 19-ქულიანი ჩამორჩენა 5-მდე დაიყვანეს და ბონუსი აიღეს.

 

მატჩის დებიუტში ვაჟა ხუციშვილმა და თემურ სოხაძემ ჯარიმები გაცვალეს. მერე რუსთაველებმა ტემპს უმატეს და 3 წუთის ინტერვალში ორი ლელო გაიტანეს. მე-12 წუთზე ნარიმანიძეზე ბოჭვები გაფუჭდა, მანაც ხაზი გაჭრა და ლელო ხუციშვილმა გარდასახა. მერე ‘ხარებმა’ ფრთაზე გაშალეს ბურთი, ბაქარ ზედგინიძე ბოლო მცველს დაუსხლტა და ანგარიში 15:3 გახადა.

 

სოხაძემ მალევე მეორე ჯარიმა გაიტანა, თუმცა ‘ყოჩებმა’ ტაიმის მიწურულს კიდევ ორი ლელო გაუშვა. 37-ე წუთზე ბოლნისელთა 22-ის ხაზთან ორივე გუნდმა დაუშვა შეცდომა, სიტუაციაში ყველაზე სწრაფად რუსთაველები გაერკვნენ და ლექსო მელიქიშვილმა ლელო გაიტანა. ორიოდე წუთში მასპინძლებმა სწრაფი, ხელდახელ შეტევა წამოიწყეს და ამჯერად ლელო ბექა ბებიაშვილმა მიითვალა. გარდასახვები არაზუსტი იყო და ტაიმი 25:6 დასრულდა.

 

მეორე ტაიმი ორივე გუნდმა შეცდომებით დაიწყო და ამით სტუმრებმა იხეირეს. სოხაძე ჯარიმიდან ბურთის აუტში გადატანას ცდილობდა, მცველმა ის ნახტომში, მოედანში დატოვა, თუმცა ოვალი მაღალ სიჩქარეზე ლევან გოგოლაშვილმა აიტაცა და ორ წამში ლელო იზეიმა. გარდასახვა არაზუსტი იყო.

 

ბოლნისელები მთელი თამაშის განმავლობაში შერკინებაში უპირატესობას ფლობდნენ და 58-ე წუთზე გიორგი გოგოლაძე სინბინით დაისაჯა, ხოლო 66-ეზე ‘ყოჩებმა’ საჯარიმო ლელო გამოიმუშავა. 69-ე წუთზე, სტუმრები ლევან მაღრაძის სინბინის შემდეგ კაცნაკლული დარჩნენ, რითაც მალევე ისარგებლა ‘ხარებმა’, ნარიმანიძე ფრთაზე ბოლო მცველს გაექცა და დუბლი შეასრულა. გარდასახვა კვლავ არაზუსტი იყო.

 

კაცნაკლულმა ‘ყოჩებმა’ შეძლო შეტევის ორგანიზება და ამას ჟორა მღებრიშვილი სინბინით შეეწირა. სტუმრებმა კვლავ შერკინებით შეუტიეს და გიორგი ნოდიამ ლელო გაიტანა, ხოლო სოხაძემ გარდასახვით სხვაობა 5 ქულამდე დაიყვანა. დარჩენილ დროში ქულების აღების შანსი ‘ხარებს’ ჰქონდა, მაგრამ ხუციშვილს ჯარიმა გაუცუდდა, მისმა გუნდმა 30:25 იმარჯვა და ‘ყოჩებს’ ბონუსი შეხვდა. ბოლნისელები 13 ქულით ჯერჯერობით ბოლო ადგილზე არიან.

უკან დაბრუნება  
 
 
საქართველოს დრო
 

დიდი 10

XI ტური    13-15/12

საცნობარო

2019-20 სეზონის სიახლეები

წვრთნა  "მსოფლიო რაგბის" მეორე დონე

72 გვერდი – ამობეჭდეთ "5" ზომის წიგნად!

კაცთა | ჭაბუკთა ოქმის ბლანკი
მისი შევსების
ინსტრუქცია

მეთვალყურის დებულება და
დიდი 10-ის პატაკის ბლანკი

შეცვლის ბარათი  |  ქულათა ტოლობა

განაცხადის შევსება-ჩასწორება

ყველა [84] გუნდის საკონტაქტო ინფო

23-კაცა სამატჩო სიის ფორმა

რაგბი ევროპა 2020

საქართველო –

საქართველოს თარიღითა და დროით

შაბ

01/02

.

შინ

რუმინეთი

კვი

09/02

15.45

გარეთ

ესპანეთი

შაბ

22/02

.

შინ

ბელგია

შაბ

07/03

18.00

გარეთ

პორტუგალია

შაბ

14/03

.

შინ

რუსეთი

 

მსოფლიო თასი 2015
 
ევროპის ერთა თასი
 
ვიდეო გალერეა
 
სარაგაბო ბაზები
 
სად მივაბაროთ ბიჭი
 
ლეგიონერები
 
 
 
keep rugby clean
 
 
referee
 
არქივი

 

 

 

რაგბი თივი

 

 

 
რადიო პალიტრა

 

 

 

ლელო
 
 

 

საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    
საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    

მინდა ჯგუფის ლოგო