7-კაცა | მე-8 პოლონეთში, მე-9 ევროპაში

21-ივლ-2019

© Jan Perlich

 

საქართველოს ეროვნულმა 7-კაცა ნაკრებმა, ევროპის გრან პრის მეორე, ლოძის ეტაპი მე-8 ადგილზე დაასრულა და ჯამში მე-9 ადგილს დასჯერდა.

 

პოლონეთში, ჯგუფურ ეტაპზე, ჩვენმა გუნდმა ინგლისისა და რუსეთის ნაკრებები დაამარცხა და მეოთხედფინალში იტალიას შეხვდა, რომლის დამარცხების შემთხვევაში, გაისად მსოფლიო სერიის შესარჩევ, ჰონკონგის ტურნირზე თამაშის უფლება თითქმის დაბევებული გვექნებოდა.

 

 

მატჩის მნიშვნელობიდან გამომდინარე, მოედანზე დიდი ბრძოლა გაჩაღდა. საქართველო ბურთს აკონტროლებდა და პირველი ტაიმის გაწითლებულ დროზე ანგარიში გაიხსნა - გაწითლებულ დროზე რევაზ ხარაზიშვილმა ოფლოუდი მოძრაობაში შეირგო და ძელებსშუა გატანილი ლელო თავად გარდასახა - 7:0. მეორე ტაიმში იტალიამ ლელო გაქვითა, მაგრამ გარდასახვა ვერ გაიტანა. დასკვნით წუთებში საქართველო უტევდა, მაგრამ მეტოქის 22-ში ბურთი დაიკარგა და კონტრშეტევაზე, საფინალო ხმოვან სიგნალთან ერთად მიღებული ლელოთი გამარჯვება იტალიას დარჩა - 12:7.

 

ჰონკონგში გამგზავრების შანსი კიდევ გვრჩებოდა. ამისათვის საჭირო იყო დარჩენილი ორივე თამაშის მოგება და ამავდროულად, პორტუგალიას ორჯერ უნდა წაეგო. მე-5 ადგილის ნახევარფინალში უელსი გვერგო და მეტოქე დაწინაურდა. პასუხად ოთარ ლაშხმა მცველებთან ჭიდილში დაახლოებით 60 მეტრი ირბინა, მეტოქის 22-ში წარმოქმნილი რაქიდან ბურთი მარჯვენა ფრთაზე ჩათამაშდა და ნიკოლოზ გიგაურის ლელო ბექა წიკლაურმა გარდასახა - 7:5.

 

 

მეორე ტაიმში უელსმა ორი ლელოს გატანა შეძლო და 10 ქულით დაწინაურდა. პასუხად, ხანგრძლივი შეტევის შემდეგ, წიკლაური მბოჭავს გაექცა და ლელოში შესულმა ბურთი ლაშა ლომიძეს გადააწოდა, რის შემდეგაც გარდასახვაც იოლად გავიდა. დასკვნით წუთებში უელსმა სინბინით ორი მორაგბე დაკარგა და გამარჯვება ძალიან ახლოს იყო, ხაზიც გაიჭრა და მიზნამდე მეტრი რჩებოდა, მაგრამ, ბოჭვისას შემტევს ბურთი გაუვარდა და მოსაგები შეხვედრა 3 ქულით დავთმეთ.

 

მე-7 ადგილისთვის მატჩი აღარაფერს წყვეტდა. მეტოქე სამი ლელოთი რომ დაწინაურდა ორით ვუპასუხეთ, მაგრამ მერე შეცდომები გახშირდა და საბოლოოდ პორტუგალიამ 40:19 იმარჯვა.

 

შედეგად, საქართველოს 7-კაცამ ეტაპი მე-8 ადგილზე დაასრულა, ხოლო გრან პრიზე მე-9 ადგილს დასჯერდა. ლოძის გრან პრი გერმანიამ მოიგო, რომელმაც ფინალში ესპანეთს 28:14 სძლია. იტალიამ ირლანდიას 21:12 მოუგო და მესამე ადგილი დაიკავა; მე-5 ადგილისთვის საფრანგეთმა უელსს 29:19 მოუგო; 21:12 სძლია ინგლისს რუსეთმა და პოლონეთში მე-9 ადგილზე გავიდა, ხოლო პოლონეთმა მე-11 ადგილისთვის რუმინეთი დაამარცხა - 26:12.

 

 

ორი ეტაპის ჯამში, გერმანიას 34 ქულა მოუგროვდა და გრან პრის გამარჯვებული პირველად გახდა. მან საფრანგეთს გადაასწრო, რომელსაც ჯამში 32 ქულა მოუგროვდა. ამდენივე ქულით მესამე ადგილი ერგო ირლანდიას. 28 ქულით მეოთხეა ესპანეთი, 22-22 ქულა დააგროვეს უელსმა და იტალიამ; 19 ქულით მეშვიდეა ინგლისი, რომელსაც 3 ქულით ჩამორჩა პორტუგალია. 9-ქულიანმა საქართველომ გაასწრო რუსეთს (8), პოლონეთსა (4) და რუმინეთს (2).

 

ევროპიდან ჰონკონგის შესარჩევ ტურნირზე გერმანია, იტალია და პორტუგალია გავიდნენ. გარდა ამისა, გერმანია 2020 წლის მსოფლიო სერიაზე ორ ეტაპს ითამაშებს - ინგლისსა და საფრანგეთში.   

 

პოლონეთში ითამაშეს:

ბექა წიკლაური (ლოკომოტივი), ივანე ხელაია (ლოკომოტივი), ლადო მიმინოშვილი (ბათუმი), იაგო ხაბულიანი (აია), სანდრო მამამთავრიშვილი (ლელო-სარასენსი), დემე თაფლაძე (ლელო-სარასენსი), ნიკოლოზ გიგაური (არმაზი), დავით თაბუკაშვილი (ხარები), ლაშა ლომიძე (აია), ოთარ ლაშხი (ლელო-სარასენსი), რამაზ ხარაზიშვილი (იუნკერები), რევაზ ხარაზიშვილი (იუნკერები).

მთავარი მწვრთნელი: ზაზა ლეჟავა

მწვრთნელი: ბესიკ ხამაშურიძე

მენეჯერი: ალექსანდრე ნიჟარაძე

ფიზიო: გიორგი კანდელაკი

ექიმი: ირაკლი ბერიაშვილი

ვიდეო: ლაშა მჭედლიშვილი

უკან დაბრუნება  
 
 
საქართველოს დრო
 

დიდი 10

 

XI ტური

სრულად

პარ 13/12   გორი, ჭალა   17.00

შაბ 14/12   რაგბი პლატო   15.00

შაბ 14/12   ქუთაისი   17.00

კვი 15/12   რაგბი პლატო   15.00

კვი 15/12   დიდი დიღომი, ლელო   17.00

საცნობარო

2019-20 სეზონის სიახლეები

წვრთნა  "მსოფლიო რაგბის" მეორე დონე

72 გვერდი – ამობეჭდეთ "5" ზომის წიგნად!

კაცთა | ჭაბუკთა ოქმის ბლანკი
მისი შევსების
ინსტრუქცია

მეთვალყურის დებულება და
დიდი 10-ის პატაკის ბლანკი

შეცვლის ბარათი  |  ქულათა ტოლობა

განაცხადის შევსება-ჩასწორება

ყველა [84] გუნდის საკონტაქტო ინფო

23-კაცა სამატჩო სიის ფორმა

რაგბი ევროპა 2020

საქართველო –

საქართველოს თარიღითა და დროით

შაბ

01/02

.

შინ

რუმინეთი

კვი

09/02

15.45

გარეთ

ესპანეთი

შაბ

22/02

.

შინ

ბელგია

შაბ

07/03

18.00

გარეთ

პორტუგალია

შაბ

14/03

.

შინ

რუსეთი

 

მსოფლიო თასი 2015
 
ევროპის ერთა თასი
 
ვიდეო გალერეა
 
სარაგაბო ბაზები
 
სად მივაბაროთ ბიჭი
 
ლეგიონერები
 
 
 
keep rugby clean
 
 
referee
 
არქივი

 

 

 

რაგბი თივი

 

 

 
რადიო პალიტრა

 

 

 

ლელო
 
 

 

საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    
საქართველოს სპორტისა და ახალგაზრდობის საქმეთა სამინისტროს ლოგო აისის ლოგო    

მინდა ჯგუფის ლოგო